"Real" 13 oy ichida yettinchi turnirda muvaffaqiyatsizlikka uchradi.
Madridliklar Ispaniya Kubogining 1/8 finalida "Albasete"ga (2:3) imkoniyatni boy berib, musobaqani tark etishdi.
"Real" so‘nggi sovrinni 2024 yil dekabr oyida qit’alararo kubok finalida "Pachuka"ni mag‘lub etib (3:0) qo‘lga kiritgandi.
2025 yilda "qaymoqranglilar" Superkubok va Ispaniya kubogi finalida "Barselona"ga yutqazib, La Ligada mavsum yakunlariga ko‘ra ikkinchi o‘rinni egalladi. Chempionlar Ligasida "Real" 1/4 finalga qadar yetib bordi va u yerda "Arsenal"ga yutqazdi, klublar o‘rtasidagi jahon chempionatida esa yarim finalda "PSJ"ga yutqazdi.
2026 yil 11 yanvar kuni "Real" Ispaniya Superkubogi finalida "Barselona"ga mag‘lub bo‘ldi (2:3).













