"Реал" 13 ой ичида еттинчи турнирда муваффақиятсизликка учради.
Мадридликлар Испания Кубогининг 1/8 финалида "Альбасете"га (2:3) имкониятни бой бериб, мусобақани тарк этишди.
"Реал" сўнгги совринни 2024 йил декабрь ойида қитъалараро кубок финалида "Пачука"ни мағлуб этиб (3:0) қўлга киритганди.
2025 йилда "қаймоқранглилар" Суперкубок ва Испания кубоги финалида "Барселона"га ютқазиб, Ла Лигада мавсум якунларига кўра иккинчи ўринни эгаллади. Чемпионлар Лигасида "Реал" 1/4 финалга қадар етиб борди ва у ерда "Арсенал"га ютқазди, клублар ўртасидаги жаҳон чемпионатида эса ярим финалда "ПСЖ"га ютқазди.
2026 йил 11 январь куни "Реал" Испания Суперкубоги финалида "Барселона"га мағлуб бўлди (2:3).
