Madridning "Real" klubi sobiq forvardi Predrag Miyatovich jamoaning yangi ustozi Alvaro Arbeloa haqida o‘z fikrlari bilan o‘rtoqlashdi.
Arbeloa 12 yanvar kuni Xabi Alonso ketganidan so‘ng klubni qabul qilib oldi, oradan 2 kun o‘tib esa madridliklar Ispaniya Kubogidan chiqib ketishdi.
"Alvaro juda erta kelgan ko‘rinadi. Ehtimol, unga ko‘proq tajriba kerakdir, ammo ko‘pincha shunday bo‘ladi, ayniqsa top-klublarda. Zidan va Gvardiola, shuningdek, boshqa mutaxassislar o‘rinbosarlar jamoasida ishlagan, keyin esa asosiy jamoaga muvaffaqiyatli o‘tgan," - deya Miyatovichning so‘zlarini keltiradi Marca.
Shuningdek, ekspert matbuot anjumanlarida Arbeloaning xotirjamligi va o‘ziga bo‘lgan ishonchini ta’kidladi.
