Мадриднинг "Реал" клуби собиқ форварди Предраг Миятович жамоанинг янги устози Альваро Арбелоа ҳақида ўз фикрлари билан ўртоқлашди.
Арбелоа 12 январь куни Хаби Алонсо кетганидан сўнг клубни қабул қилиб олди, орадан 2 кун ўтиб эса мадридликлар Испания Кубогидан чиқиб кетишди.
"Альваро жуда эрта келган кўринади. Эҳтимол, унга кўпроқ тажриба керакдир, аммо кўпинча шундай бўлади, айниқса топ-клубларда. Зидан ва Гвардиола, шунингдек, бошқа мутахассислар ўринбосарлар жамоасида ишлаган, кейин эса асосий жамоага муваффақиятли ўтган," - дея Миятовичнинг сўзларини келтиради Marca.
Шунингдек, эксперт матбуот анжуманларида Арбелоанинг хотиржамлиги ва ўзига бўлган ишончини таъкидлади.
