Yangi mavsum uchun tarkibini jiddiy kuchaytirayotgan «Andijon»dan navbatdagi transfer!

Italiya hamda Gana fuqarosi bo‘lgan tajribali hujumchi Martin Boake yana «Andijon»ga qaytdi. Olib borilgan muzokaralar ijobiy yakun topdi va tomonlar rasman shartnoma imzoladilar.

Yodingizda bo‘lsa, Boake 2021 yili ham «Burgutlar» safida yarim mavsum to‘p surgan. Yurtimizdagi faoliyatini aynan «Andijon»da boshlagan va yana u «Burgutlar»ga aylandi.

Ma’lumot uchun, Martin Boake

1995 yilning 10 fevral sanasida tavallud topgan. «Solesineke» (Italiya), «Kitzbyuxel» (Avstriya), «Xoxenems» (Avstriya), “Jeness Esh” (Lyuksemburg), «Slaven» (Xorvatiya), OKMK (O‘zbekiston), «Sindao» (Xitoy), “Buriram Yunayted” (Tailand) va «Boluspor» (Turkiya) klublarida to‘p surgan.

Boake «Andijon»ga kelishdan avval aynan Turkiya chempionatida «Boluspor» safida faoliyat olib borgan. U yerda 19 ta uchrashuvda 3 ta gol va 2 ta assistni amalga oshirgan.

Hozirga qadar Martin faoliyati davomida 308 ta o‘yinda 111 ta gol urgan va 16 ta golda assist vazifasini bajargan.

Boakeda 4 ta sovrin bo‘lib, «Buriram» tarkibida barcha yutuqlarni qo‘lga kiritdi.