Hujumchi Sadio Mane Afrika Kubogi yarim finalidan o‘rin olgan Senegal va Misr terma jamoalari o‘rtasidagi o‘yinda yagona golni urib, Muhammad Saloh jamoasini uyiga qaytarib yubordi. U o‘yinning 78-daqiqasida raqib darvozasini ishg‘ol qildi.
Ma’lum bo‘lishicha, Sadio Mane bo‘lib o‘tayotgan turnir davomida 120-golni urdi va bu Afrika Kubogining yangi rekordi bo‘ldi. Bungacha 2023 yilda o‘tgan Afrika Kubogida kiritilgan 119 ta gol rekord edi.
Endi musobaqaning amaldagi g‘olibi Senegal terma jamoasi qit’aning asosiy turniri finalida Marokash terma jamoasiga qarshi maydonga tushadi. Final bahsi 18 yanvar, yakshanba kuni Marokashning Rabot shahrida bo‘lib o‘tadi.
