Ҳужумчи Садио Мане Африка Кубоги ярим финалидан ўрин олган Сенегал ва Миср терма жамоалари ўртасидаги ўйинда ягона голни уриб, Муҳаммад Салоҳ жамоасини уйига қайтариб юборди. У ўйиннинг 78-дақиқасида рақиб дарвозасини ишғол қилди.
Маълум бўлишича, Садио Мане бўлиб ўтаётган турнир давомида 120-голни урди ва бу Африка Кубогининг янги рекорди бўлди. Бунгача 2023 йилда ўтган Африка Кубогида киритилган 119 та гол рекорд эди.
Энди мусобақанинг амалдаги ғолиби Сенегал терма жамоаси қитъанинг асосий турнири финалида Марокаш терма жамоасига қарши майдонга тушади. Финал баҳси 18 январь, якшанба куни Марокашнинг Работ шаҳрида бўлиб ўтади.













