Erling Xoland "Real"ga o‘tish istiqboliga qanday qarayotgani ma’lum bo‘ldi.

OAV ma’lumotlariga ko‘ra, norvegiyalik futbolchi "Qirollik klubi"ga o‘tishni faoliyatidagi asosiy maqsad sifatida ko‘rmoqda. U kelajak uchun bunday ssenariyni ijobiy baholaydi.

Bir kun avval "Real" Xolandni o‘z safiga qo‘shib olishni jiddiy maqsad qilgani ma’lum bo‘lgandi. Umuman olganda, transfer, maosh va bonuslarni hisobga olganda, "qaymoqranglilar" Erling uchun 500 mln yevro sarflashga tayyor. Shu bilan birga, "Manchester Siti" o‘zining asosiy yulduzini sotish istagi bilan yonmayapti.