"Liverpul" hujumchisi Muhammad Saloh Saudiya Arabistoni chempionatiga ko‘chib o‘tishi mumkin.

Insayderning yozishicha, Saudiya klublari yozgi transferlar oynasi arafasida forvard atrofidagi vaziyatni diqqat bilan kuzatib bormoqda. "Al-Hilol" va "Al-Ittihod" yozda misrlik futbolchini o‘z safiga qo‘shib olishdan jiddiy manfaatdor va bu kelishuv uchun "qizillar"ga 50 million funt taklif qilishga tayyor.

So‘nggi ikki yil davomida ikkala jamoa ham Salohga jiddiy qiziqish bildirmoqda va unga Krishtianu Ronaldu darajasidagi shartnoma taklif qilishga tayyor. "Liverpul" hujumchini yozda sotishga tayyor, ammo futbolchi klubdan ketishga rozi bo‘lsagina, takliflarni ko‘rib chiqadi.