Shanba oqshomida "Arsenal" Premyer-liga doirasida "Nottingem Forest" mehmoni bo‘ladi.

Londonliklar bosh murabbiyi Mikel Arteta bo‘lajak o‘yin haqida fikr bildirdi.

"Premyer-ligada safarda g‘alaba qozonish juda qiyin. Biz so‘nggi yillarda haqiqatan ham kuchli jamoa qurish uchun ko‘plab to‘g‘ri ishlarni amalga oshirgan jamoaga qarshi o‘ynaymiz. Ular boshqalardan farq qilishlarini ko‘rsatishdi. Ular qilayotgan ishlarida juda samarali, ularda aniq ifodalangan o‘ziga xoslik bor - va aynan shu narsa ularni juda xavfli qiladi," - dedi Arteta matbuot anjumanida.

"Nottingem Forest" va "Arsenal" uchrashuvi 17 yanvar kuni Toshkent vaqti bilan soat 22:30da boshlanadi.