Шанба оқшомида "Арсенал" Премьер-лига доирасида "Ноттингем Форест" меҳмони бўлади.
Лондонликлар бош мураббийи Микель Артета бўлажак ўйин ҳақида фикр билдирди.
"Премьер-лигада сафарда ғалаба қозониш жуда қийин. Биз сўнгги йилларда ҳақиқатан ҳам кучли жамоа қуриш учун кўплаб тўғри ишларни амалга оширган жамоага қарши ўйнаймиз. Улар бошқалардан фарқ қилишларини кўрсатишди. Улар қилаётган ишларида жуда самарали, уларда аниқ ифодаланган ўзига хослик бор - ва айнан шу нарса уларни жуда хавфли қилади," - деди Артета матбуот анжуманида.
"Ноттингем Форест" ва "Арсенал" учрашуви 17 январь куни Тошкент вақти билан соат 22:30да бошланади.
