Madridning «Real» klubi yozgi transfer oynasida «PSJ» jamoasi himoyachisi, ekvadorlik Vilyam Pachoni o‘z safiga qo‘shib olishi mumkin. Bu haqda Marca nashri xabar bermoqda.
Manbaga ko‘ra, agar Alvaro Arbeloa kelasi mavsumda ham «qaymoqranglilar»ning bosh murabbiyi bo‘lib qolsa, ispaniyalik mutaxassis Parij klubi futbolchisini transfer qilishga urinib ko‘radi.
Joriy mavsumda Pacho barcha musobaqalar doirasida klub safida 22 ta o‘yin o‘tkazib, 2 ta gol muallifi bo‘ldi. O‘tgan yil yakunlariga ko‘ra, himoyachi turli ramziy jamoalarga kiritildi, shuningdek, «PSJ» bilan Chempionlar ligasi, mamlakat chempionati, Fransiya Kubogi va Superkubokni qo‘lga kiritdi. Transfermarkt portali ma’lumotlariga ko‘ra, futbolchining bozor qiymati 70 million yevroni tashkil qiladi.













