"Barselona" yarim himoyachisi Mark Kasado "Atletiko"ning ehtimoliy transferlari ro‘yxatiga kiritildi, deya xabar bermoqda Marca.
22 yoshli futbolchi Mateu Alemani boshchiligidagi madridliklar sport rahbariyati tomonidan ko‘rib chiqilayotgan variantlardan biridir.
"Vulverxempton" xavbeki Joao Gomes transfer uchun asosiy nomzod sifatida ko‘rilmoqda, ammo klub muqobil variantlar haqida o‘ylamoqda.
"Atletiko" hozircha "Barsa" bilan ehtimoliy kelishuvni muhokama qilgani yo‘q, ammo Kasado ko‘proq o‘yin amaliyotiga ega bo‘lish uchun transferga rozi bo‘lishi ehtimoli bor. Ispaniyalik futbolchi jahon chempionatida ishtirok etish haqida o‘ylamoqda va muntazam o‘ynab, o‘sishni istaydi.
Agar madridliklar Gomes bo‘yicha kelishuvga erisha olmasa, Mark nomzodiga murojaat qilishga tayyor.
Joriy mavsumda Kasado La Ligada 13 ta o‘yinda maydonga tushib, 1 ta golli uzatmani amalga oshirdi.
