"Барселона" ярим ҳимоячиси Марк Касадо "Атлетико"нинг эҳтимолий трансферлари рўйхатига киритилди, дея хабар бермоқда Marca.
22 ёшли футболчи Матеу Алемани бошчилигидаги мадридликлар спорт раҳбарияти томонидан кўриб чиқилаётган вариантлардан биридир.
"Вулверхэмптон" хавбеки Жоао Гомес трансфер учун асосий номзод сифатида кўрилмоқда, аммо клуб муқобил вариантлар ҳақида ўйламоқда.
"Атлетико" ҳозирча "Барса" билан эҳтимолий келишувни муҳокама қилгани йўқ, аммо Касадо кўпроқ ўйин амалиётига эга бўлиш учун трансферга рози бўлиши эҳтимоли бор. Испаниялик футболчи жаҳон чемпионатида иштирок этиш ҳақида ўйламоқда ва мунтазам ўйнаб, ўсишни истайди.
Агар мадридликлар Гомес бўйича келишувга эриша олмаса, Марк номзодига мурожаат қилишга тайёр.
Жорий мавсумда Касадо Ла Лигада 13 та ўйинда майдонга тушиб, 1 та голли узатмани амалга оширди.
