"Inter" markaziy himoyachisi Alessandro Bastoni faoliyatini Londonning "Chelsi" klubida davom ettirishi mumkin. Bu haqda Topskills Sports UK xabar berdi.
Manbaga ko‘ra, "Chelsi" Bastonining transferi bo‘yicha "Inter" bilan muzokaralarni boshlash uchun o‘z vakillarini Italiyaga jo‘natgan. Hozircha muzokaralar faqat boshlang‘ich bosqichda, ammo "Chelsi"da agar "Inter" futbolchining narxini pasaytirsa, kelishuv amalga oshishiga ishonch bor.
Ta’kidlanishicha, "ko‘klar" transfer oynasi yakuniga qadar yangi markaziy himoyachi sotib olish niyatida. Bu yangi bosh murabbiy Liam Rosenyorning shaxsiy istagi.
Joriy mavsumda 26 yoshli Bastoni barcha musobaqalarda 24ta o‘yinda maydonga tushib, 1ta gol urgan va 5ta golga hammualliflik qilgan.
