"Интер" марказий ҳимоячиси Алессандро Бастони фаолиятини Лондоннинг "Челси" клубида давом эттириши мумкин. Бу ҳақда Topskills Sports UK хабар берди.
Манбага кўра, "Челси" Бастонининг трансфери бўйича "Интер" билан музокараларни бошлаш учун ўз вакилларини Италияга жўнатган. Ҳозирча музокаралар фақат бошланғич босқичда, аммо "Челси"да агар "Интер" футболчининг нархини пасайтирса, келишув амалга ошишига ишонч бор.
Таъкидланишича, "кўклар" трансфер ойнаси якунига қадар янги марказий ҳимоячи сотиб олиш ниятида. Бу янги бош мураббий Лиам Росеньорнинг шахсий истаги.
Жорий мавсумда 26 ёшли Бастони барча мусобақаларда 24та ўйинда майдонга тушиб, 1та гол урган ва 5та голга ҳаммуаллифлик қилган.
