«Manchester Siti» bosh murabbiyi Xosep Gvardiola Angliya Premyer-ligasining 22-turi doirasida «Manchester Yunayted»ga qarshi o‘yindagi mag‘lubiyat yuzasidan fikr bildirdi. «Qizil iblislar» uchrashuvda 2:0 hisobida g‘alaba qozondi.

«Eng kuchli jamoa g‘alaba qozondi. Ular bizdan ustun edi. Agar raqib jamoa yaxshiroq o‘ynasa, bunga tan berish kerak. Ularda bizda yetishmagan energiya bor edi, shuning uchun tabriklayman. O‘yin oxirida ularda imkoniyatlar bo‘ldi va, albatta, biz o‘tkazib yuborgan gollar juda yomon edi. Biz o‘yinni nazorat qila olmadik. Ayrim epizodlar haqida gapirish mumkin, ammo biz butun o‘yinni tahlil qilishimiz kerak — va bu o‘yinda ular yaxshiroq edi», — deya Gvardiolaning so‘zlarini BBC Sky Sports’ga tayanib keltiradi.

APLning 22 ta turidan so‘ng «qizil iblislar» 35 ochko jamg‘arib, to‘rtinchi o‘rinni egallab turibdi. «Shaharliklar» esa 43 ochko bilan ikkinchi pog‘onada joylashgan.