"Real Sosyedad" Ispaniya chempionatining 20-turida o‘z maydonida "Barselona"ni mag‘lub etdi - 2:1.
Mezbonlar safida gollarga hujumchilar Mikel Oyyarsabal va Gonsalu Gedesh mualliflik qilgan bo‘lsa, mehmonlar safida Markus Reshford o‘z hisobiga gol yozdirib qo‘ydi.
7- va 28-daqiqalarda VAR aralashuvidan so‘ng "Barselona"ning ikkita goli bekor qilindi - hujumda fol va ofsayd qayd etildi.
88-daqiqadan boshlab "Real Sosyedad" yarim himoyachi Karlos Solerning chetlatilishidan keyin bir kishi kam bo‘lib o‘ynadi.
"Barselona" Ispaniya chempionatida 2025 yil 26 oktyabrdan beri birinchi marta mag‘lub bo‘ldi. U 20 o‘yindan so‘ng 49 ochko bilan turnir jadvalida birinchi o‘rinni egallab turibdi. "Real Sosyedad" (20 o‘yindan so‘ng 24 ochko) esa 8-pog‘onadan joy olgan.
Real Sosyedad - Barselona - 2:1
Gollar: Oyyarsabal, 32 (1:0). Reshford, 70 (1:1). Gonsalu Gedesh, 71 (2:1)
Real Sosyedad: Remiro, Subeldiya, Xon Martin, Gomes (Ayen Munyos, 69), Aramburu (Chaleta-Sar, 82), Turryentes (Odriosola, 58), Soler, Gonsalu Gedesh, Kubo (Barrenechea, 69), Oyyarsabal, Mendes (Gorrotchategi, 58)
Barselona: X. Garsiya, Kubarsi (Martin, 86), E. Garsiya, Balde (Joau Kanselu, 62), Kunde (Bardji, 85), de Yong, Olmo (Reshford, 63), Pedri, Fermin Lopes, Yamal, Torres (Levandovski, 62)
Ogohlantirishlar: Turryentes, 37. Aramburu, 51. Subeldiya, 78 - E. Garsiya, 76. Levandovski, 84. Fermin Lopes, 85
Chetlatish: Soler, 88
