"Реал Сосьедад" Испания чемпионатининг 20-турида ўз майдонида "Барселона"ни мағлуб этди - 2:1.
Мезбонлар сафида голларга ҳужумчилар Микель Ойярсабаль ва Гонсалу Гедеш муаллифлик қилган бўлса, меҳмонлар сафида Маркус Рэшфорд ўз ҳисобига гол ёздириб қўйди.
7- ва 28-дақиқаларда VAR аралашувидан сўнг "Барселона"нинг иккита голи бекор қилинди - ҳужумда фол ва офсайд қайд этилди.
88-дақиқадан бошлаб "Реал Сосьедад" ярим ҳимоячи Карлос Солернинг четлатилишидан кейин бир киши кам бўлиб ўйнади.
"Барселона" Испания чемпионатида 2025 йил 26 октябрдан бери биринчи марта мағлуб бўлди. У 20 ўйиндан сўнг 49 очко билан турнир жадвалида биринчи ўринни эгаллаб турибди. "Реал Сосьедад" (20 ўйиндан сўнг 24 очко) эса 8-поғонадан жой олган.
Реал Сосьедад - Барселона - 2:1
Голлар: Ойярсабаль, 32 (1:0). Рэшфорд, 70 (1:1). Гонсалу Гедеш, 71 (2:1)
Реал Сосьедад: Ремиро, Субельдия, Хон Мартин, Гомес (Айен Муньос, 69), Арамбуру (Чалета-Цар, 82), Туррьентес (Одриосола, 58), Солер, Гонсалу Гедеш, Кубо (Барренечеа, 69), Ойярсабаль, Мендес (Горротчатеги, 58)
Барселона: Х. Гарсия, Кубарси (Мартин, 86), Э. Гарсия, Бальде (Жоау Канселу, 62), Кунде (Барджи, 85), де Йонг, Ольмо (Рэшфорд, 63), Педри, Фермин Лопес, Ямаль, Торрес (Левандовски, 62)
Огоҳлантиришлар: Туррьентес, 37. Арамбуру, 51. Субельдия, 78 - Э. Гарсия, 76. Левандовски, 84. Фермин Лопес, 85
Четлатиш: Солер, 88
