"Manchester Siti" yarimhimoyachisi Rodri Angliya Premyer-ligasining 22-turidan o‘rin olgan "Manchester Yunayted"ga qarshi o‘yin yakunlari bo‘yicha o‘z fikrlarini bildirib o‘tdi. Shanba kuni bo‘lib o‘tgan uchrashuv 2:0 hisobida "qizil iblislar"ning g‘alabasi bilan yakunlandi.

"Qiyin kun bo‘ldi, lekin, albatta, biz harakat qildik. Ba’zida raqib kuchliroq bo‘ladi, bugun ularda bizdan ko‘ra ko‘proq energiya, kuch, g‘alaba qozonish istagi bor edi, garchi biz yuzimizni yo‘qotmagan bo‘lsak ham. Ammo oxir-oqibat ular bizni qarshi hujumlarda ushlab olishdi va ikkita gol urishdi.

Mening ahvolim qanday? Ha, har bir o‘yinda maydonga tushishga tayyorman. Kundan-kunga o‘zimni yaxshi his qilyapman, shunday ekan, ha, men baxtliman va jamoaga har tomonlama yordam berishni xohlayman...", - dedi Rodri o‘yindan keyingi intervyusida.