"Манчестер Сити" яримҳимоячиси Родри Англия Премьер-лигасининг 22-туридан ўрин олган "Манчестер Юнайтед"га қарши ўйин якунлари бўйича ўз фикрларини билдириб ўтди. Шанба куни бўлиб ўтган учрашув 2:0 ҳисобида "қизил иблислар"нинг ғалабаси билан якунланди.
"Қийин кун бўлди, лекин, албатта, биз ҳаракат қилдик. Баъзида рақиб кучлироқ бўлади, бугун уларда биздан кўра кўпроқ энергия, куч, ғалаба қозониш истаги бор эди, гарчи биз юзимизни йўқотмаган бўлсак ҳам. Аммо охир-оқибат улар бизни қарши ҳужумларда ушлаб олишди ва иккита гол уришди.
Менинг аҳволим қандай? Ҳа, ҳар бир ўйинда майдонга тушишга тайёрман. Кундан-кунга ўзимни яхши ҳис қиляпман, шундай экан, ҳа, мен бахтлиман ва жамоага ҳар томонлама ёрдам беришни хоҳлайман...", - деди Родри ўйиндан кейинги интервьюсида.
