"Barselona" yarim himoyachisi Mark Bernal kataloniyaliklar safida qoladi.

Avvalroq 18 yoshli futbolchini muntazam o‘yin amaliyotiga ega bo‘lishi uchun ijaraga berish mumkinligi haqida xabarlar tarqalgan edi.

Marca ma’lumotlariga ko‘ra, "Jirona" hali ham kelishuvga qiziqish bildirmoqda, biroq uning amalga oshish ehtimoli yuqori emas. Sababi, Xansi Flik futbolchidan voz kechishni istamayapti, ayniqsa Dro Fernandes jamoani tark etganidan so‘ng.

Qayd etilishicha, bosh murabbiy mavsum oxirigacha jamoa tarkibini saqlab qolish niyatida. Faqat darvozabon Mark-Andre ter Shtegen bundan mustasno, u ijaraga ketishga yaqin.

Bernal transferiga Gavining qaytishi ta’sir qilishi mumkin edi, ammo klub yarim himoyachini jarohatdan keyin asta-sekin jamoaga qaytarish niyatida.

Shu bois, yaqin oylarda Bernal jamoa uchun kerak bo‘lishi kutilmoqda. O‘zi esa o‘yin vaqti ortib borayotganini ko‘rib, ketishni tezlashtirish niyatida emas.