Kobbi Maynu kutilganidek, "Manchester Yunayted" safida o‘ynashda davom etadi. Bu haqda insayder Fabrisio Romano ijtimoiy tarmoqlarda yozdi.
Qayd etilishicha, jamoaning yangi bosh murabbiyi Maykl Karrik darhol Maynuga ishonch bildirdi va bu futbolchining qaroriga ta’sir qildi. Yarim himoyachi avvalroq doimiy o‘ynash va rivojlanish maqsadida ijara variantlarini ko‘rib chiqqan, biroq to‘liq transferni rejalashtirmagan.
Kobbi Maynu 20 yoshda. Transfermarkt portali mutaxassislari uning bozor qiymatini 40 million yevro deb baholamoqda. Futbolchining "Manchester Yunayted" bilan amaldagi shartnomasi 2026/2027 mavsum oxiriga qadar mo‘ljallangan.













