Кобби Майну кутилганидек, "Манчестер Юнайтед" сафида ўйнашда давом этади. Бу ҳақда инсайдер Фабрицио Романо ижтимоий тармоқларда ёзди.
Қайд этилишича, жамоанинг янги бош мураббийи Майкл Каррик дарҳол Майнуга ишонч билдирди ва бу футболчининг қарорига таъсир қилди. Ярим ҳимоячи аввалроқ доимий ўйнаш ва ривожланиш мақсадида ижара вариантларини кўриб чиққан, бироқ тўлиқ трансферни режалаштирмаган.
Кобби Майну 20 ёшда. Transfermarkt портали мутахассислари унинг бозор қийматини 40 миллион евро деб баҳоламоқда. Футболчининг "Манчестер Юнайтед" билан амалдаги шартномаси 2026/2027 мавсум охирига қадар мўлжалланган.
