"Marsel" yarimhimoyachi Itan Nvaneri transferi bo‘yicha "Arsenal"ga rasmiy taklif bilan chiqdi.
Insayder Fabrisio Romanoning ta’kidlashicha, gap sotib olish huquqisiz mavsum oxirigacha ijaraga olish haqida ketmoqda, fransuzlar 18 yoshli inglizning barcha maoshini to‘lashga tayyor.
Agar kelishuv amalga oshsa, "Marsel" ijara uchun 3 million yevrodan ko‘proq to‘lashi mumkin, ammo bu summa muntazam o‘yin amaliyotiga ega bo‘lishni istayotgan Itanning o‘yinlariga bog‘liq. "Arsenal" shartlarni muhokama qilishga tayyor, muzokaralar olib borilmoqda.
Nvaneri bu mavsum APLda bor yo‘g‘i 6ta o‘yinda maydonga tushib, o‘rtacha 27 daqiqadan harakat qildi va biror marta ham gol ura olmadi.
