"Марсель" яримҳимоячи Итан Нванери трансфери бўйича "Арсенал"га расмий таклиф билан чиқди.
Инсайдер Фабрицио Романонинг таъкидлашича, гап сотиб олиш ҳуқуқисиз мавсум охиригача ижарага олиш ҳақида кетмоқда, французлар 18 ёшли инглизнинг барча маошини тўлашга тайёр.
Агар келишув амалга ошса, "Марсель" ижара учун 3 миллион евродан кўпроқ тўлаши мумкин, аммо бу сумма мунтазам ўйин амалиётига эга бўлишни истаётган Итаннинг ўйинларига боғлиқ. "Арсенал" шартларни муҳокама қилишга тайёр, музокаралар олиб борилмоқда.
Нванери бу мавсум АПЛда бор йўғи 6та ўйинда майдонга тушиб, ўртача 27 дақиқадан ҳаракат қилди ва бирор марта ҳам гол ура олмади.
