Qozog‘istonning "Qayrat" jamoasi bosh murabbiyi Rafael Urazbaxtin Chempionlar ligasi umumiy bosqichida Belgiyaning "Bryugge" klubiga qarshi o‘yin oldidan fikr bildirdi. Bahs 20 yanvar kuni bo‘lib o‘tadi va Toshkent vaqti bilan 20:30 da start oladi.
"Biz bunday vaziyatga ilk bor duch kelyapmiz. Shu qadar erta rasmiy o‘yinlarni hali o‘tkazmaganmiz. Tayyorgarlik uchun 12 kun vaqtimiz bo‘ldi. Bu davr ichida optimal holatga kirish qiyin. Shunga qaramay, har holda munosib o‘yin ko‘rsatishga harakat qilamiz", — deya Urazbaxtinning so‘zlarini keltiradi Nursport.
Shuningdek, murabbiy jamoa o‘zining odatiy uslubiga sodiq qolishini va o‘yinga taktik jihatdan to‘g‘ri yondashishga intilishini ta’kidladi.
Hozirda "Bryugge" 4 ochko bilan 31-o‘rinda bormoqda, "Qayrat" esa 1 ochko bilan 36-pog‘onada joylashgan.
