Қозоғистоннинг "Қайрат" жамоаси бош мураббийи Рафаэль Уразбахтин Чемпионлар лигаси умумий босқичида Бельгиянинг "Брюгге" клубига қарши ўйин олдидан фикр билдирди. Баҳс 20 январь куни бўлиб ўтади ва Тошкент вақти билан 20:30 да старт олади.
"Биз бундай вазиятга илк бор дуч келяпмиз. Шу қадар эрта расмий ўйинларни ҳали ўтказмаганмиз. Тайёргарлик учун 12 кун вақтимиз бўлди. Бу давр ичида оптимал ҳолатга кириш қийин. Шунга қарамай, ҳар ҳолда муносиб ўйин кўрсатишга ҳаракат қиламиз", — дея Уразбахтиннинг сўзларини келтиради Nursport.
Шунингдек, мураббий жамоа ўзининг одатий услубига содиқ қолишини ва ўйинга тактик жиҳатдан тўғри ёндашишга интилишини таъкидлади.
Ҳозирда "Брюгге" 4 очко билан 31-ўринда бормоқда, "Қайрат" эса 1 очко билан 36-поғонада жойлашган.
