"Ayaks" "Arsenal" himoyachisi Aleksandr Zinchenkoni ijaraga emas, sotib oladi.
Avvalroq, Erediviziya klubi "Nottingem Forest"da to‘p surayotgan ukrainalik futbolchini ijaraga olayotgani haqida xabarlar tarqalgan edi.
Voetbal International xabariga ko‘ra, barcha tomonlar to‘liq transferga kelishib olgan. Ijara uchun "Ayaks" to‘lashi kerak bo‘lgan mablag‘ endi klub tomonidan 29 yoshli futbolchini sotib olish uchun ishlatiladi. Summa aytilmagan, biroq insayder Ben Jeykobs uning "kichik" bo‘lishini ta’kidlagan.
Zinchenko tibbiy ko‘rikdan o‘tsa, "Ayaks" bilan mavsum oxirigacha shartnoma imzolaydi. Agar hamkorlik muvaffaqiyatli bo‘lsa, klub va futbolchi shartnomani uzaytirish masalasini muhokama qilishlari mumkin bo‘ladi.
