"Barselona"ga "Monako"da ijara asosida to‘p tepayotgan hujumchi Ansu Fati bilan bog‘liq vaziyat yoqmayapti.

Jurnalist Adrian Sanchesning ma’lum qilishicha, kataloniyaliklar rahbariyati hujumchi bilan bog‘liq vaziyatdan xavotirda. "Ko‘k-anorranglilar" futbolchini ko‘proq o‘yin amaliyotiga ega bo‘ladigan boshqa jamoaga ijaraga berish uchun uni ijaradan qaytarib olish imkoniyatini ko‘rib chiqdilar, ammo hech bir klub Fatini sotib olishga aniq qiziqish bildirmadi. Hujumchi yozda Saudiya Arabistoniga ko‘chib o‘tishi kutilmoqda.

Ansu Fati 2025 yilning yozida joriy mavsum oxirigacha ijara asosida "Monako"ga o‘tdi. Joriy mavsumda forvard 16 ta o‘yinda maydonga tushib, yettita gol urdi.