Ispaniyaning «Barselona» jamoasi bosh murabbiyi Xans-Diter Flik Chempionlar ligasi umumiy bosqichida Chexiyaning «Slaviya» jamoasiga qarshi o‘tgan o‘yin (4:2) haqida o‘z fikrlari bilan o‘rtoqlashdi.

«Biz standart vaziyatlardan ikki bor gol o‘tkazib yubordik — bu jamoaga qarshi o‘ynash oson emas, chunki ular jismonan baquvvat va bo‘yi baland futbolchilarga ega. Ammo oxir-oqibatda jamoamdan istaganim amalga oshdi: xotirjamlikni saqlash, o‘ziga bo‘lgan ishonchni yo‘qotmaslik va jasorat bilan o‘ynashda davom etish. Jamoa aynan shunday qildi.

Almashinuvlarning ahamiyatiga kelsak? Menimcha, bu jamoa uchun eng muhim jihat. Har doim o‘yinni asosiy tarkibda boshlaydigan 11 nafar futbolchim bo‘ladi va o‘yinni yakunlaydigan va uning taqdirini hal qilishi mumkin bo‘lgan yana besh nafar o‘yinchi ham bor. Bugun ham xuddi shunday bo‘ldi: Dani Olmo maydonga tushib hisobni 3:2 qildi, Markus Rashford esa Robert Levandovskiga hal qiluvchi so‘nggi uzatmani amalga oshirdi», — deya Flikning so‘zlarini UYEFAning rasmiy sayti keltirmoqda.