Испаниянинг «Барселона» жамоаси бош мураббийи Ханс-Дитер Флик Чемпионлар лигаси умумий босқичида Чехиянинг «Славия» жамоасига қарши ўтган ўйин (4:2) ҳақида ўз фикрлари билан ўртоқлашди.

«Биз стандарт вазиятлардан икки бор гол ўтказиб юбордик — бу жамоага қарши ўйнаш осон эмас, чунки улар жисмонан бақувват ва бўйи баланд футболчиларга эга. Аммо охир-оқибатда жамоамдан истаганим амалга ошди: хотиржамликни сақлаш, ўзига бўлган ишончни йўқотмаслик ва жасорат билан ўйнашда давом этиш. Жамоа айнан шундай қилди.

Алмашинувларнинг аҳамиятига келсак? Менимча, бу жамоа учун энг муҳим жиҳат. Ҳар доим ўйинни асосий таркибда бошлайдиган 11 нафар футболчим бўлади ва ўйинни якунлайдиган ва унинг тақдирини ҳал қилиши мумкин бўлган яна беш нафар ўйинчи ҳам бор. Бугун ҳам худди шундай бўлди: Дани Ольмо майдонга тушиб ҳисобни 3:2 қилди, Маркус Рашфорд эса Роберт Левандовскига ҳал қилувчи сўнгги узатмани амалга оширди», — дея Фликнинг сўзларини УЕФАнинг расмий сайти келтирмоқда.