"Bavariya" yarimhimoyachisi Maykl Olise faoliyatini Fransiyada davom ettirishi mumkin.

Ekrem Konurning ma’lumotiga ko‘ra, vingerni "PSJ" o‘z safiga qo‘shib olmoqchi. Parij klubi yozda Olisening transferi uchun myunxenliklarga 100 million yevro taklif qilishga tayyor. "Bavariya" futbolchini saqlab qolish niyatida va unga yangi yaxshilangan shartnoma tayyorlamoqda.

Maykl Olise 2024 yilda "Kristal Pelas"dan 53 million yevro evaziga "Bavariya"ga o‘tgandi. Uning shartnomasi 2029 yilning 30 iyuniga qadar imzolangan.

Vinger joriy mavsum Myunxen klubi safida barcha musobaqalarda 29 ta o‘yinda maydonga tushib, 13 ta gol urdi va 21 ta golli uzatmani amalga oshirdi. Transfermarkt portali fransuzning narxini 130 million yevroga baholamoqda.