"Бавария" яримҳимоячиси Майкл Олисе фаолиятини Францияда давом эттириши мумкин.
Экрем Конурнинг маълумотига кўра, вингерни "ПСЖ" ўз сафига қўшиб олмоқчи. Париж клуби ёзда Олисенинг трансфери учун мюнхенликларга 100 миллион евро таклиф қилишга тайёр. "Бавария" футболчини сақлаб қолиш ниятида ва унга янги яхшиланган шартнома тайёрламоқда.
Майкл Олисе 2024 йилда "Кристал Пэлас"дан 53 миллион евро эвазига "Бавария"га ўтганди. Унинг шартномаси 2029 йилнинг 30 июнига қадар имзоланган.
Вингер жорий мавсум Мюнхен клуби сафида барча мусобақаларда 29 та ўйинда майдонга тушиб, 13 та гол урди ва 21 та голли узатмани амалга оширди. Transfermarkt портали французнинг нархини 130 миллион еврога баҳоламоқда.













