"Qizil iblislar" rahbariyatining qiziqishlari doirasiga Kataloniyaning "Barselona" klubi yarim himoyachisi Mark Kasado tushib qoldi, deya xabar bermoqda Mundo Deportivo.
"Qizil iblislar"ning 22 yoshli futbolchi uchun raqobatchisi Madridning "Atletiko" klubi hisoblanadi. Manbaning qayd etishicha, mankunianliklar Kasado vakillari bilan muzokaralarga kirishgan.
"Ko‘k-anorranglilar" tarbiyalanuvchisi Transfermarkt portali jurnalistlari tomonidan 25 million yevroga baholanmoqda. Markning "Barselona" bilan amaldagi shartnomasi muddati 2028 yilning iyun oyi oxirida tugaydi.
Yarim himoyachi La Liganing joriy mavsumida 13 ta uchrashuv o‘tkazib, 1 ta golli uzatmani amalga oshirdi.
