«Manchester Yunayted» yarim himoyachisi Kazemiro yozda jamoani tark etadi. Bunga uning shartnomasi muddati yakunlanishi sabab bo‘lmoqda.

Bu haqda ingliz klubi rasmiy ravishda ma’lum qildi.

"Biz Kazemiroga qizil libosdagi o‘yiniga qo‘shgan hissasi uchun minnatdorlik bildiramiz va u klubdagi faoliyatini munosib tarzda yakunlashiga umid qilamiz", — deyiladi klub matbuot xizmati tarqatgan xabarda.

33 yoshli Kazemiro 2022 yil yozida Madridning «Real» klubidan 70,65 million yevroga sotib olingan edi.

Braziliyalik futbolchi «MYU» safida 146 ta uchrashuvda maydonga tushib, 21 ta gol urdi va 13 ta assist qayd etdi.