«Манчестер Юнайтед» ярим ҳимоячиси Каземиро ёзда жамоани тарк этади. Бунга унинг шартномаси муддати якунланиши сабаб бўлмоқда.

Бу ҳақда инглиз клуби расмий равишда маълум қилди.

"Биз Каземирога қизил либосдаги ўйинига қўшган ҳиссаси учун миннатдорлик билдирамиз ва у клубдаги фаолиятини муносиб тарзда якунлашига умид қиламиз", — дейилади клуб матбуот хизмати тарқатган хабарда.

33 ёшли Каземиро 2022 йил ёзида Мадриднинг «Реал» клубидан 70,65 миллион еврога сотиб олинган эди.

Бразилиялик футболчи «МЮ» сафида 146 та учрашувда майдонга тушиб, 21 та гол урди ва 13 та ассист қайд этди.