"Real Sosyedad"ning rossiyalik yarim himoyachisi Arsen Zaxaryan qishki transferlar davrida jamoani tark etishi mumkin. Bu haqda COPE nashri ma’lumot berdi.

Manbaga ko‘ra, Zaxaryan va yana bir necha futbolchi jamoaning yangi bosh murabbiyi Pellegrino Matarassoga kerak bo‘lmay qolgan. Mutaxassis allaqachon Zaxaryan bilan shaxsiy suhbatda uning rejalariga kirmasligini aytgan.

"Real Sosyedad" 22 yoshli yarim himoyachini 2023 yilning yozida "Dinamo"ga 13 million yevro to‘lab, transfer qilgandi. Joriy mavsumda rossiyalik futbolchi barcha musobaqalarda 16 ta uchrashuvda maydonga tushib, bitta gol urdi.

Zaxaryanning "Real Sosyedad" bilan amaldagi mehnat shartnomasi 2029 yilning yarmigacha mo‘ljallangan.