"Реал Сосьедад"нинг россиялик ярим ҳимоячиси Арсен Захарян қишки трансферлар даврида жамоани тарк этиши мумкин. Бу ҳақда COPE нашри маълумот берди.
Манбага кўра, Захарян ва яна бир неча футболчи жамоанинг янги бош мураббийи Пеллегрино Матараццога керак бўлмай қолган. Мутахассис аллақачон Захарян билан шахсий суҳбатда унинг режаларига кирмаслигини айтган.
"Реал Сосьедад" 22 ёшли ярим ҳимоячини 2023 йилнинг ёзида "Динамо"га 13 миллион евро тўлаб, трансфер қилганди. Жорий мавсумда россиялик футболчи барча мусобақаларда 16 та учрашувда майдонга тушиб, битта гол урди.
Захаряннинг "Реал Сосьедад" билан амалдаги меҳнат шартномаси 2029 йилнинг ярмигача мўлжалланган.













