Qozog‘iston futzal assosiasiyasi prezidenti Nursultan Kurman «Barselona» va «Yuventus» klublarining sobiq futbolchisi Miralem Pyanichning «Aktobe»ga o‘tishi nega amalga oshmay qolganini ma’lum qildi.

— Pyanich bilan muzokaralar olib borilgan, ammo menga yetib kelgan ma’lumotlarga ko‘ra, u qo‘ygan shartlar juda yuqori bo‘lgan. U haddan tashqari yuqori talablar bildirgan va «Aktobe» esa muloyimlik bilan bu shartlarni bajara olmasligini aytgan. Bu kabi ma’lumotlar nafaqat Qozog‘istonda, balki undan tashqarida ham tarqalayotgani — yaxshi signal. Futbolchilar Nani va Pyanich kabi nomzodlar ko‘rib chiqilayotganini bilib, klubda moliyaviy imkoniyat bor, deb o‘ylay boshlaydi va e’tibor qaratadi, — dedi Kurman.

Avvalroq OAVda Pyanichning «Aktobe» bilan shartnoma imzolashi mumkinligi haqida xabarlar tarqalgan edi, ammo futbolchining agenti bu mish-mishlarni rad etgan.

35 yoshli bosniyalik futbolchi 2025 yilda rasman faoliyatini yakunlagan. Uning so‘nggi klubi Moskva SSKAsi bo‘lgan. Karyerasi davomida Miralem 666 ta o‘yin o‘tkazib, 77 ta gol urgan va 132 ta golli uzatmani amalga oshirgan. U to‘rt karra Italiya chempioni hamda ikki karra Italiya Kubogi sohibi hisoblanadi.