Londonning "Arsenal" klubi hujumchisi Kay Xavers so‘nggi ikki o‘yinda zaxira o‘rindig‘ida qolib ketdi.

Nemis avgust oyida olgan jarohati tufayli deyarli besh oyni o‘tkazib yubordi. Mikel Arteta hujumchini yanvar oyida "Portsmut" va "Chelsi"ga qarshi kubok o‘yinlarida zaxiradan maydonga tushirdi, ammo "Nottingem Forest" va Milanning "Inter" klublari bilan keyingi o‘yinlarda futbolchi zaxirada qoldi. Jurnalist Isan Xanning yozishicha, "Arsenal" hamon Xaversning jismoniy holatidan xavotirda. 26 yoshli futbolchi safga qaytganidan keyin yangi muammoga duch keldi, shuning uchun klub uning o‘yin vaqtini cheklashga majbur bo‘lmoqda.

"Kanonirlar" mavsumning asosiy qismi boshlanishiga qadar Xavers optimal formaga kirishi uchun undan ehtiyotkorlik bilan foydalanmoqchi.