Лондоннинг "Арсенал" клуби ҳужумчиси Кай Хаверц сўнгги икки ўйинда захира ўриндиғида қолиб кетди.
Немис август ойида олган жароҳати туфайли деярли беш ойни ўтказиб юборди. Микель Артета ҳужумчини январь ойида "Портсмут" ва "Челси"га қарши кубок ўйинларида захирадан майдонга туширди, аммо "Ноттингем Форест" ва Миланнинг "Интер" клублари билан кейинги ўйинларда футболчи захирада қолди. Журналист Исан Ханнинг ёзишича, "Арсенал" ҳамон Хаверцнинг жисмоний ҳолатидан хавотирда. 26 ёшли футболчи сафга қайтганидан кейин янги муаммога дуч келди, шунинг учун клуб унинг ўйин вақтини чеклашга мажбур бўлмоқда.
"Канонирлар" мавсумнинг асосий қисми бошланишига қадар Хаверц оптимал формага кириши учун ундан эҳтиёткорлик билан фойдаланмоқчи.
