"Roma" bosh murabbiyi Jan Pyero Gasperini Yevropa Ligasi umumiy bosqichi 7-turidan o‘rin olgan "Shtutgart"ga (2:0) qarshi o‘yinga o‘z munosabatini bildirdi.

"Shuni ta’kidlashim kerakki, Pizilli boshqa vaziyatlarda ham o‘zining foydaliligini ko‘rsatgan. Menimcha, u tez o‘smoqda. Bugun u ikkita gol urishdan tashqari, o‘rta chiziqda haqiqiy yetuklikni namoyish etdi. U "Roma" tarkibini kuchaytirayotgan futbolchilardan biri. To‘g‘ri, u biroz Tardellini eslatadi. Ular jismonan o‘xshash. Ehtimol, Pizillining tezligi yo‘qdir, ammo u jarima maydoniga yorib kirishda ritmni juda yaxshi his qiladi va juda yaxshi zarba beradi.

Mashg‘ulotlarda nafaqat Pizillining, balki o‘yinni a’lo darajada o‘tkazgan Gilardi kabi futbolchilarning ham o‘sishini kuzatish imkoniyatiga ega bo‘lganimdan xursandman. Umidli yosh futbolchi - Zelkovski. Mayli, u hozircha to‘liq 90 daqiqa o‘ynashga qodir bo‘lmasa-da, maydonga ajratilgan vaqtda u juda yaxshi harakat qiladi. Bundan tashqari, so‘nggi o‘yinda ishtirok etmaganlar - Soule va Pellegrinining jismoniy holatini ham tekshirib ko‘rishim kerak edi. O‘yin ideal tarzda o‘tdi. Kuchli jamoaga qarshi barchani ishga solishga muvaffaq bo‘ldik", - deya Gasperinining so‘zlarini keltiradi UEFA matbuot xizmati.

"Roma" 15 ochko bilan turnir jadvalida 6-o‘rinda, "Shtutgart" 13-o‘rinda bormoqda.