"Рома" бош мураббийи Жан Пьеро Гасперини Европа Лигаси умумий босқичи 7-туридан ўрин олган "Штутгарт"га (2:0) қарши ўйинга ўз муносабатини билдирди.

"Шуни таъкидлашим керакки, Пизилли бошқа вазиятларда ҳам ўзининг фойдалилигини кўрсатган. Менимча, у тез ўсмоқда. Бугун у иккита гол уришдан ташқари, ўрта чизиқда ҳақиқий етукликни намойиш этди. У "Рома" таркибини кучайтираётган футболчилардан бири. Тўғри, у бироз Тарделлини эслатади. Улар жисмонан ўхшаш. Эҳтимол, Пизиллининг тезлиги йўқдир, аммо у жарима майдонига ёриб киришда ритмни жуда яхши ҳис қилади ва жуда яхши зарба беради.

Машғулотларда нафақат Пизиллининг, балки ўйинни аъло даражада ўтказган Гиларди каби футболчиларнинг ҳам ўсишини кузатиш имкониятига эга бўлганимдан хурсандман. Умидли ёш футболчи - Зелковски. Майли, у ҳозирча тўлиқ 90 дақиқа ўйнашга қодир бўлмаса-да, майдонга ажратилган вақтда у жуда яхши ҳаракат қилади. Бундан ташқари, сўнгги ўйинда иштирок этмаганлар - Соуле ва Пеллегринининг жисмоний ҳолатини ҳам текшириб кўришим керак эди. Ўйин идеал тарзда ўтди. Кучли жамоага қарши барчани ишга солишга муваффақ бўлдик", - дея Гасперинининг сўзларини келтиради УEФА матбуот хизмати.

"Рома" 15 очко билан турнир жадвалида 6-ўринда, "Штутгарт" 13-ўринда бормоқда.