"Chelsi" yarimhimoyachisi Koul Palmer "Manchester Yunayted"ga o‘tishi mumkin.

Sky Sports xabariga ko‘ra, yozda futbolchi "MYU"ga o‘tishga tayyor. So‘nggi paytlarda futbolchi tez-tez jarohat olayotgani va samaradorligi pasaygani uchun tanqid qilinmoqda, shu bois u APLdagi vaziyat o‘zgarishini salbiy holat deb hisoblamaydi. Palmerni u yerdagi hayot tarzi tufayli Manchesterga qaytish imkoniyati o‘ziga jalb qiladi. "Manchester Yunayted" yarimhimoyachining transferi uchun 120 million yevrodan ko‘proq to‘lashiga to‘g‘ri keladi.

Koul Palmer 2023 yilda "Manchester Siti"dan 47 million yevro evaziga "Chelsi"ga o‘tgandi. Uning "ko‘klar" bilan shartnomasi 2033 yilning 30 iyuniga qadar mo‘ljallangan. Joriy mavsumda yarim himoyachi 13 ta o‘yinda maydonga tushib, beshta gol urdi.