Angliyaning "Aston Villa" klubi bosh murabbiyi Unai Emeri Yevropa Ligasi umumiy bosqichidan o‘rin olgan Turkiyaning "Fenerbaxche" jamoasi bilan o‘yindagi g‘alabaga (1:0) munosabat bildirdi.

"Bu yerda bizga yordam bergan 2000 nafar Birmingem muxlislarimizdan, "Aston Villa" muxlislaridan minnatdorman. Mahalliy muxlislarga ega bo‘lgan bu stadionda haqiqatan ham ajoyib muhit bor. Biz muxlislarimizning qo‘llab-quvvatlashi va yordamini his qildik - bu shunchaki ajoyib edi.

Biz intizomli o‘ynadik, himoyada yaxshi o‘ynadik, zimmamizda juda katta mas’uliyat bor edi - ularni to‘xtatish, o‘z jarima maydonimizda vaziyatlar yaratilishiga yo‘l qo‘ymaslik va biz buni uddaladik. Bizda bittadan ortiq gol urish uchun ko‘plab qarshi hujumlar bo‘ldi. To‘p bilan ustunlik qila olganimizda esa, haqiqatan ham futbolchilar tufayli maydonda yaxshi pozisiyalarni egallab turardik. Har bir o‘yinchi bor kuchini berib, kerakli fidoyilikni ko‘rsatdi va bizning o‘yin strategiyamizni ajoyib tarzda uddaladi.

Ikkinchi bo‘limda biroz qiynaldik, 15 daqiqa, ular gol urishdi, ammo VAR buni bekor qildi. Ammo bu tasodif edi, chunki umuman olganda biz ko‘proq vaziyatlar yaratdik, bizda yana bir gol bor edi, u ham VAR tomonidan bekor qilindi, biz g‘alabaga loyiq edik", - deya Emerining so‘zlarini keltiradi "Aston Villa" rasmiy sayti.