Англиянинг "Астон Вилла" клуби бош мураббийи Унаи Эмери Европа Лигаси умумий босқичидан ўрин олган Туркиянинг "Фенербахче" жамоаси билан ўйиндаги ғалабага (1:0) муносабат билдирди.
"Бу ерда бизга ёрдам берган 2000 нафар Бирмингем мухлисларимиздан, "Астон Вилла" мухлисларидан миннатдорман. Маҳаллий мухлисларга эга бўлган бу стадионда ҳақиқатан ҳам ажойиб муҳит бор. Биз мухлисларимизнинг қўллаб-қувватлаши ва ёрдамини ҳис қилдик - бу шунчаки ажойиб эди.
Биз интизомли ўйнадик, ҳимояда яхши ўйнадик, зиммамизда жуда катта масъулият бор эди - уларни тўхтатиш, ўз жарима майдонимизда вазиятлар яратилишига йўл қўймаслик ва биз буни уддаладик. Бизда биттадан ортиқ гол уриш учун кўплаб қарши ҳужумлар бўлди. Тўп билан устунлик қила олганимизда эса, ҳақиқатан ҳам футболчилар туфайли майдонда яхши позицияларни эгаллаб турардик. Ҳар бир ўйинчи бор кучини бериб, керакли фидойиликни кўрсатди ва бизнинг ўйин стратегиямизни ажойиб тарзда уддалади.
Иккинчи бўлимда бироз қийналдик, 15 дақиқа, улар гол уришди, аммо VAR буни бекор қилди. Аммо бу тасодиф эди, чунки умуман олганда биз кўпроқ вазиятлар яратдик, бизда яна бир гол бор эди, у ҳам ВАР томонидан бекор қилинди, биз ғалабага лойиқ эдик", - дея Эмерининг сўзларини келтиради "Астон Вилла" расмий сайти.
