"Manchester Siti" bosh murabbiyi Xosep Gvardiola APLning shanba kungi "Vulverxempton"ga qarshi o‘yini oldidan jarohat olgan futbolchilar bilan bog‘liq vaziyat haqida gapirdi.

"Savinyo hali ham tiklanmadi. Kecha u jamoadan alohida maydonda yugurdi, shuning uchun yana ikki yoki uch hafta, balki undan ham kamroq, aniq bilmayman. Niko Gonsales, umid qilamanki, Rodri yo‘qligida bizga yordam bera oladi, lekin uning ishtirok etishi so‘roq ostida.

Kovachich bilan esa o‘tgan mavsumda gaplashib, klublar o‘rtasidagi jahon chempionatiga bormaslikni va imkon qadar tezroq operasiya qilishni aytgandim. Bu mavsumda u ikki yoki uchta o‘yin o‘tkazdi va yana uning suyagi yaxshi ta’sir qilmadi, shuning uchun unga qayta jarrohlik amaliyoti o‘tkazildi", - deya Gvardiolaning so‘zlarini keltiradi klub rasmiy sayti.

"Manchester Siti" - "Vulverxempton" uchrashuvi 24 yanvar, shanba kuni bo‘lib o‘tadi.