"Yuventus" vingeri Fransishku Konseysau Krishtianu Ronalduning Portugaliya terma jamoasi uchun ahamiyati haqidagi savolga javob berdi.

"An-Nasr"ning 40 yoshli hujumchisi Portugaliya terma jamoasiga saralash bahslarida beshta gol urib, bo‘lajak jahon chempionatiga yo‘llanma olishga yordam berdi.

- Ba’zilar Portugaliya terma jamoasi Krishtianusiz yaxshiroq o‘ynaydi, deb hisoblaydi. Bu borada sizning fikringiz qanday?

"Har kimning o‘z fikri bo‘lishi mumkin, ammo biz uning jamoa uchun qilgan va qilayotgan barcha ishlarini hisobga olgan holda, baribir uni bebaho deb hisoblaymiz. Faktlarni inkor etib bo‘lmaydi. Agar u doimiy ravishda gol urishda davom etsa, shubhasiz, katta foyda keltiradi", - deya Konseysauning so‘zlarini keltiradi Al Nassr Zone.

Portugaliyaliklar JCH-2026da O‘zbekiston va Kolumbiya terma jamoalari bilan bir guruhda o‘ynaydi. Uchinchi raqib pley-off natijalariga ko‘ra aniqlanadi.