"Ювентус" вингери Франсишку Консейсау Криштиану Роналдунинг Португалия терма жамоаси учун аҳамияти ҳақидаги саволга жавоб берди.
"Ан-Наср"нинг 40 ёшли ҳужумчиси Португалия терма жамоасига саралаш баҳсларида бешта гол уриб, бўлажак жаҳон чемпионатига йўлланма олишга ёрдам берди.
- Баъзилар Португалия терма жамоаси Криштианусиз яхшироқ ўйнайди, деб ҳисоблайди. Бу борада сизнинг фикрингиз қандай?
"Ҳар кимнинг ўз фикри бўлиши мумкин, аммо биз унинг жамоа учун қилган ва қилаётган барча ишларини ҳисобга олган ҳолда, барибир уни бебаҳо деб ҳисоблаймиз. Фактларни инкор этиб бўлмайди. Агар у доимий равишда гол уришда давом этса, шубҳасиз, катта фойда келтиради", - дея Консейсаунинг сўзларини келтиради Al Nassr Zone.
Португалияликлар ЖЧ-2026да Ўзбекистон ва Колумбия терма жамоалари билан бир гуруҳда ўйнайди. Учинчи рақиб плей-офф натижаларига кўра аниқланади.
